Охирин хабарҳо

Видеоролики муаррифии факултет

Видеоролики муаррифии факултети молиявию иқтисодии Донишгоҳи миллии Тоҷикистон Ин намунаи...

Декани факултет

Декани факултет

             Обидов Фозил Саидович: 31 январи...

Кафедраи иқтисод ва идораи туризм

           Кафедраи иқтисод  ва  идораи  туризм ...

Омори сомона

  • Истифодабарандаҳо : 232
  • Маводҳо : 35
  • Маводҳоро диданд : 37771

Таърихи кафедраи муносибатҳои иқтисодии байналхалкӣ

Кафедраи муносибатҳои иқтисодии байналхалқӣ моҳи марти соли 1994 дар доираи факултети молиявию иқтисодии ДДМТ, ҳамчун кафедраи тахассусӣ барои ихтисоси 060600-иқтисодиёти ҷаҳонӣ таъсис дода шуд.
Таъсиси чунин кафедра барои Ҷумҳурии Тоҷикистон аҳамияти муҳим дошт. Тоҷикистон ҳамчун мамлакати соҳибистиқлол муносибатҳои иқтисодии байналхалқиро мустақилона ба роҳ монд. Зарурати таъмин намудани соҳаҳои мухталифи хоҷагии ҷумҳурӣ бо кадрҳои баландихтисос дар самти муносибатҳои иқтисодии байналхалқӣ, бизнеси байналхалқӣ, сиёсати иқтисодии беруна, муносибатҳои асъориву қарзӣ ва ғайра ба миён омад.
Аз аввали таъсисёбӣ дар кафедра устодон: н.и.и., профессор М.Н.Мамадназарбеков, д.и.и., профессор Л.Ҳ.Саидмуродов, н.и.и., дотсент Р.М.Мирбобоев, н.и.и., дотсент И.К.Мирзоев н.и.и., дотсент М.Н.Худоиев фаъолият намуданд. Дар кафедраи мазкур устодон аввалин маротиба дар ҷумҳурӣ дар таҳия ва тартиб додани нақшаҳои таълимӣ, барномаҳои таълимӣ, васоити таълимӣ, ҷорӣ намудани курсҳо ва семинарҳои махсус барои ихтисоси 060600-иқтисодиёти ҷаҳон саҳми арзанда гузоштанд. Соли 2002-юм кафедра фаъолияти худро барои тайёр намудани мутахассисон инчунин аз рӯи ихтисоси 060601-иқтисодиёти туризми байналхалқӣ равона намуд. Соли 2010 қабули донишҷӯён аз рӯи ихтисоси нав 25010304-идораи инвеститсияҳои хориҷӣ дар назди кафедра ба роҳ монда шуд, ки мақсад тайёр кардани мутахассисони баландихтисос оиди истифодаи самараноки инвеститсияҳои байналмилалӣ дар иқтисодиёти ҶТ аст.
Ҳоло кафедра яке аз кафедраҳои бонуфузи ДМТ ба ҳисоб меравад, ки мутахассисони соҳаҳои мухталифи иқтисодиёти Ҷумҳурии Тоҷикистонро тайёр намуда истодааст. Солҳои 1994-2007 дар кафедра беш аз 1500 корҳои курсӣ, 400 корҳои дипломӣ, 30 корҳои магистрӣ ва 270 корҳои хатмкунӣ дар мавзӯъҳои гуногуни робитаҳои иқтисодии хориҷии Ҷумҳурии Тоҷикистон аз тарафи донишҷӯён навишта ҳимоя карда шудаанд. Хатмкунандагони кафедра аз рӯи ихтисоси худ дар вазорату муассисаҳои давлатӣ, бонкҳои гуногуни мамлакат, корхонаву ширкатҳо, созмонҳои иқтисодии байналхалқӣ ва ғайраҳо кору фаъолият мебаранд. Солҳои 2008-2013 бошад дар кафедра беш аз 1363 корҳои курсӣ, 450 корҳои дипломӣ, корҳои магистрӣ ва корҳои хатмкунӣ дар мавзӯъҳои гуногуни робитаҳои иқтисодии хориҷии Ҷумҳурии Тоҷикистон ва инкишофи туризми байналхалқӣ дар ҶТ аз тарафи донишҷӯён навишта, ҳимоя карда шудаанд.
Соли 1994 мудири кафедра н.и.и., дотсент М.Н.Худоиев таъин гардид. Бо сабаби он ки н.и.и., дотсент М.Н.Худоиев вакили мардумӣ дар Маҷлиси Намояндагони МО интихоб гардид, аз моҳи сентябри соли 2000-ум кафедраро н.и.и., дотсент Б.У.Шукуров роҳбарӣ намуд (аз моҳи майи соли 2002 ба ҳайси мудир интихоб гардид). Бо сабаби ба вазифаи проректори ДДМТ таъин шудани Б.У.Шукуров аз феврали соли 2006 ба ҳайси иҷрокунандаи вазифаи мудир н.и.и. А.А.Солиев таъин гардид ва аз феврали 2007 мудири ҳамин кафедра интихоб шуд. Аз сабаби декани факултети иқтисоду идора таъин гардидани А.А.Солиев аз апрели соли 2010 ба ҳайси иҷрокунандаи вазифаи мудир М.А.Саидмуродова таъин гардид ва аз июли 2010 мудири ҳамин кафедра интихоб шуд.
Дар солҳои гуногун дар кафедра устодони зерин фаъолият намуданд: марҳум И.Қ.Мирзоев–н.и.и.,дотсент (солҳои 1995-2000 – дотсенти кафедра); Ҳ.М.Каримов–ассистент(солҳои 1999-2001); У.Салимбекзода–ассистент(солҳои1999-2001); марҳум С.Ф.Шодмонбекова – ассистент (солҳои 1999- 2001); Ш.Дӯстбоев – д.и.и., профессор (солҳои 2002-2006 –  профессори кафедра), н.и.и.,Мадҷонова(солҳои2000–2012-муаллими калон), ассистент Лоиқов Ш., д.и.и. профессор  Розиқов А.В.
 
Ҳоло дар кафедра устодони штатии зерин фаъолият доранд: н.и.и., дотсент М.А.Саидмуродова(мудири кафедра), н.и.и., профессор М.Н.Мамадназарбеков, н.и.и., дотсентон М.Н.Худоиев, Р.М.Мирбобоев (ректори Донишкадаи молия ва иқтисодӣ Тоҷикистон), Б.У.Шукуров (декани факултети баҳисобгирии иқтисодии ДМТ), А.А.Солиев (декани факултети иқтисоду идораи ДМТ), муаллими калон М.Р.Тағоев (муовини декан оид ба илм), н.и.и.,Ф.А.Қодиров(сардори раёсати илм ва навовариҳои техникии ДМТ), ассистентон Ф.М.Имомёрбеков, А.В.Гулмамадов (муовини декан оид ба таълим), Қ.Т.Саидов (муовини декан оид ба тарбия), З.А.Ҳомидова, Д.М.Назриева, ассистент М.Н. Қармишева, ассистент Д.С.Валиева, ассистент Ҷ.Д.Ӯроқова.
Ба сифати ҳамкор ба кафедра устодон ва мутахассисони зерин мунтазам ҷалб карда мешаванд: д.и.и., профессор Л.Ҳ.Саидмуродов (вакили МН МО ҶТ), н.и.и., М.Қ.Бобоев (рохбари дирексияи муносибатҳои байналхалқӣ, хисоботи молиявӣ ва таҳлилии ҶСК «Агроинвестбонк»), С.Ҳомидов (Вазорати рушди иқтисод ва савдои ҶТ), Равшан Собирзода ёвари сафири ИМА дар ҶТ, Мирзоев Б.И.-мутахассиси ҶСП  «Фононбонк».
Аз аввали таъсисёбии кафедра самти тадқиқоти илмӣ ва таълимии кафедра барои тартиб додани нақшаҳои таълимӣ, курсҳо ва семинарҳои махсус, таҳия намудани барномаҳои таълимӣ, ки барои сохти гузариши иқтисодиёти Тоҷикистон хос мебошанд, равона шуда буд. Дар ин ҷода корҳои зиёде ба анҷом расонида шуд. Сараввал, якчанд фанҳо, курсҳо ва семинарҳои махсус барои ихтисоси 060600-иқтисодиёти ҷаҳон ҷорӣ карда шуд. Аввалин барномаҳои таълимӣ аз фанҳои «Иқтисодиёти ҷаҳон» (М.Н.Худоиев, Л.Ҳ.Саидмуродов), «Муносибатҳои байналхалқии молиявӣ ва асъориву қарзӣ» (Л.Ҳ.Саидмуродов, Р.М.Мирбобоев), «Муносибатҳои иқтисодии байналхалқӣ» (Л.Ҳ.Саидмуродов), курси махсуси «Биржа ва кори биржавӣ» (Л.Ҳ.Саидмуродов) таҳия гардидаанд, ки баъдан вобаста ба тақозои замон аз тарафи устодони кафедра (Б.У.Шукуров, Р.М.Мирбобоев, А.А.Солиев, М.Н.Худоиев, М.А.Саидмуродова, М.Р.Тағоев ва дигарон) тағйир дода шуданд. Дар давоми фаъолияти кафедра инчунин барномаҳои дигар таҳия карда шуданд: барномаи таълимӣ аз фанҳои: «Фаъолияти иқтисодии беруна» (Б.У.Шукуров), «Иқтисодиёти ҷаҳон ва МИБ» (М.Н.Мамадназарбеков), «Кори байналхалқии бонкӣ» (М.Р.Тағоев), «Гумрук ва танзими тарифию гумрукӣ» (А.А.Солиев, А.В.Гулмамадов), «Иқтисодиёти байналхалқӣ» (Л.Ҳ.Саидмуродов, Р.М.Мирбобоев, А.А.Солиев), «Бизнеси байналхалқӣ» (Л.Ҳ.Саидмуродов, Р.М.Мирбобоев, А.А.Солиев), «Иқтисодиёти туризми байналхалқӣ» (А.А.Солиев,З.А.Ҳомидова), «Инфрасохтори туризм» (А.А.Солиев, З.А.Ҳомидова), барномаҳои курсҳои махсус ва фанҳои интихобӣ: «Давлат ва иқтисодиёт» (Б.У.Шукуров), «Бозори ҷаҳонӣ» (Р.М.Мирбобоев), «Бозори байналхалқии коғазҳои қимматнок» (Р.М.Мирбобоев, Ф.М.Имомёрбеков), «Интегратсияи иқтисодии байналхалқӣ» (Р.М.Мирбобоев, М.А.Саидмуродова), «Иқтисод ва ташкили савдои байналхалқӣ» (Б.У.Шукуров, Н.Худоиев, М.М.Мадҷонова, М.Н.Қармишева), «Танзими ФИБ» (Ш.Дӯстбоев, Б.У.Шукуров, Ф.М.Имомёрбеков, М.А.Саидмуродова, Ф.А.Қодиров), «Инвеститсияи хориҷӣ дар ҶТ» (Ш.Дӯстбоев, А.А.Солиев), «Инкишофи иқтисодӣ» (М.Қ.Бобоев, Д.М.Назриева), «Иқтисоди кушод» (Л.Ҳ.Саидмуродов), «Созмонҳои иқтисодии байналхалқӣ» (Р.М.Мирбобоев, А.В.Гулмамадов), «Сиёсати содиротии ҶТ»(М.Н.Мамадназарбеков, Б.У.Шукуров, А.А.Солиев), «Камбизоатӣ» (Р.Собирзода, М.Бобоев), «Қарзи хориҷӣ»(А.А.Солиев, М.Р.Тағоев), «Асосҳои робитаҳои иқтисодии хориҷӣ»(Б.У.Шукуров,Қ.Т.Саидов).
Устодони кафедра дар самти таҳияи васоити таълимӣ ва китобҳои дарсӣ кӯшишҳо ба харҷ дода истодаанд. Соли 2002 ду китоби дарсӣ бо забони  тоҷикӣ ва русӣ: «Иқтисодиёти байналхалқӣ: назария, таърих, сиёсат» аз тарафи д.и.и. Л.Ҳ.Саидмуродов ва «Бизнеси байналхалқӣ: назария, амалия, одоб» аз тарафи Л.Ҳ.Саидмуродов, Р.М.Мирбобоев, А.А.Солиев нашр гардиданд. Баробари ин барои ин, китобҳои дарсӣ аз тарафи муаллифон васоити таълимию методӣ низ таҳия ва нашр гардиданд. Китобҳои дарсӣ ва васоити таълимию методӣ бо забони давлатӣ барои баланд бардоштани дониши муҳассилини факултетҳои иқтисодӣ ва махсусан барои ихтисоси 060600-иқтисодиёти ҷаҳон хеле заруранд. Устодони кафедра дар самти таҳия ва нашри китобҳои дарсӣ ва васоити таълимӣ-методӣ бо забони модарӣ саъйю кӯшиш намуда истодаанд. Устодони кафедра д.и.и., профессор Саидмуродов Л.Ҳ. ва н.и.и. А.А.Солиев соли 2007 дар ҳаммуаллифӣ бо профессори Донишгоҳи байналмиллалии Сузука (Ҷопон), бо забони тоҷикӣ ва англисӣ «Макроиқтисоди кушод ва инвеститсияҳои мустақими хориҷӣ»-ро нашр намуданд, ки барои донишҷӯён ҳамчун васоити таълимӣ пешниҳод гардидааст. Соли 2009 дотсентон Мирбобоев Р.М. ва Солиев А.А дар ҳаммуаллифӣ бо олимони мактаби «иқтисоди кушод» дар навиштани кори коллективӣ чун монографияи илмӣ иштирок намуданд. Ин кор бо номи «Республика Таджикистан на пути к открытой экономике: очерки институционального анализа» таҳия ва чоп шуд. Кафедра вобаста ба самти тадқиқотӣ ба якчанд натиҷаҳои назаррас ноил гаштааст. Натиҷаҳои тадқиқоти илмӣ дар шакли мақолаву монографияҳо, васоити таълимӣ, китобҳои дарсӣ, ҷорӣ намудани курсҳо ва семинарҳои махсус ифода меёбанд. Монографияи н.и.и., Мадҷонова М.М. «Предпринимательство в контексте внешнеэкономической безопасности» соли  2010 чоп гардид.
Дар соли 2008-2013 21-то силлабус аз фанҳои кафедра, 8-то дастури методӣ, 1-китоби илмӣ бо забони русӣ бо номи «Бюджетный сектор» аз тарафи н.и.и. дотсент Худоиев М.Н., мураттаб  ва чоп карда шуданд. Соли 2012  монография дар таҳияи Қодиров Ф.А. дар мавзуи «Малая открытая экономика РТ»,  аз  тарафи профессор Мамадназарбеков М.Н  ва дотсент Худоиев М.Н., «Истилоҳоти  иқтисодӣ»-и русӣ ба тоҷикӣ,  китоби дарсии  Иқтисодиёти ҷаҳонӣ  аз  тарафи  дотсент Худоиев М.Н  ва Солиев А.А. дар  арафаи чоп аст. Дар раванди дарс устодони кафедра усулҳои нави таълим, ба монанди усули интерактивӣ, ҳалли тестҳо ва машқҳо, ҳолатҳои ҳақиқӣ (кейсҳо), слайдҳо ва воситаҳои дигари аёниро васеъ истифода мебаранд.
Самти асосии кори илмӣ-тадқиқотиро дар кафедра инкишофи ҳамкории иқтисодии байналхалқии Ҷумҳурии Тоҷикистон ташкил медиҳад. Дар корҳои илмию тадқиқотӣ ҳамаи устодони кафедра ҷалб карда шудаанд. Аз соли 2010 дар пояи кафедра қабули аспирантон ба роҳ монда шудааст, ки то ба имрӯз 8 нафар дар шӯъбаи рӯзона ва 6 нафар дар шӯъбаи ғоибона таҳсил карда истодаанд. Аз ин шумора 1 нафар шаҳрванди ҶИЭ Саид Оҳангари Арҷмандӣ таҳти роҳбарии устод М.Н.Худоиев рисолаи илмии худро барои дифоъ тайёр намудааст. Инчунин 8 нафар унвонҷӯён дар кафедра бо тадқиқоти илмӣ машғуланд. Роҳбарии аспирантон ва унвонҷӯёни кафедраро Л.Ҳ.Саидмуродов, М.Н.Мамадназарбеков, Б.У.Шукуров, Р.М.Мирбобоев, А.А Солиев, М.Н.Худоиев ва М.А.Саидмуродова ба ӯҳда доранд.  Дар доираи ин самт масъалаҳои гуногуни бо Тоҷикистон алоқаманд, ба мисли: масъалаи истифодаи самараноки қудрати содиротӣ; мукаммалгардонии робитаҳои иқтисодии берунӣ; иштироки мамлакат дар раванди интегратсионӣ; имкониятҳои инвеститсионии иқтисодиёти кушоди хурд; ҳамкории мамлакат бо институтҳои молиявии байналхалқӣ;  омилҳои берунаи инкишофи иқтисодӣ;масоили рушди инсонӣ, шомилшавии Тоҷикистон ба Созмони умумиҷаҳонии тиҷорат; инкишофи туризми байналхалқӣ ва ғайра зери омӯзиш ва таҳлил қарор дода шудаанд.
Вобаста ба ин дар кафедра чунин рисолаҳои номзадӣ тайёр ва бомуваффақият ҳимоя карда шуданд: соли 2002-юм аз тарафи Р.М.Мирбобоев дар мавзӯи «Развитие экономической интеграции в современных условиях (на примере РТ)»; соли 2004-ум аз тарафи Солиев А.А. дар мавзӯи «Теоретические и практические проблемы привлечения иностранных инвестиций в условиях малой открытой экономики (на примере РТ)»; соли 2006-ум аз тарафи  М.К.Бобоев  дар мавзӯи «Внешние факторы экономического развития в странах с переходной экономикой (на примере РТ)»; соли 2010 рисолаи номзадии муаллими калони кафедра Мадҷонова М.М дар мавзӯи «Предпринимательство в контексте внешнеэкономической безопасности» зери роҳбарии н.и.и., дотсент Солиев А.А. ва ассистенти кафедра Қодиров Ф.А оиди мавзӯи «Бехатарии иқтисодии ҷалби шаклҳои минтақавии сармоягузориҳои хориҷӣ (дар мисоли Ҷумҳурии Тоҷикистон)» ассистент Қодиров Ф.А., зери роҳбарии н.и.и. дотсент Мирбобоев Р.М. дар Шӯрои диссертатсионии К.737.007.01 - «Бехатарии иқтисодӣ» дар назди Донишгоҳи Техникии Тоҷикистон бо мувафақият ҳимоя намуданд. Айни ҳол дар кафедра 6-то рисолаи номзадӣ омодаи дифоъ аст.
 
Моҳи апрели соли 2005 устодони кафедра Р.М.Мирбобоев, А.А.Солиев ва Л.Ҳ.Саидмуродов дар семинари байналмиллалӣ дар мавзӯи «Сиёсати тиҷоратии мамлакатҳои ИДМ ва воридшавӣ ба Созмони умумиҷаҳонии тиҷорат», ки дар шаҳри Маскав аз тарафи Бонки  Ҷаҳонӣ ташкил карда шуд, иштирок намуданд.
Моҳи марти соли 2006 устодони кафедра дар семинари аз тарафи кафедра бо ҳамкории Агентии Ҷопон оид ба ҳамкории байналхалқӣ ташкилнамуда дар шаҳри Душанбе доир ба мавзӯи «Макроиқтисоди кушод» иштирок доштаанд. Дар семинар д.и.и., профессор Л.Ҳ.Саидмуродов, н.и.и. А.А.Солиев ва ассистент М.Қ.Бобоев баромадҳои ҷолиб карданд. Дар семинар аз Донишгоҳи байналмиллалии Сузука (Ҷопон) профессор Мотоёши Сузуки баромад намуд.
 
Устодони кафедра мунтазам дар конфронсҳову семинарҳои ҷумҳуриявӣ ва байналхалқӣ доир ба самтҳои гуногуни иқтисодӣ ва усулҳои нави таълим иштирок намуда, баромад мекунанд.
 
Устодони кафедра Р.М.Мирбобоев, И.Қ.Мирзоев соли 1994 дар доираи Институти инкишофи иқтисодии Бонки Умумиҷаҳонӣ  дар Донишгоҳи давлатии Маскав ба номи М.В.Ломоносов ва Донишгоҳи иқтисодии Тошканд, Л.Ҳ.Саидмуродов  дар шаҳри Вашингтон (ИМА) дар мавзӯи «Иқтисоди бозорӣ» курси бозомӯзӣ гузашта, соҳиби сертификат гаштанд. Аз моҳи июл то сентябри соли 1996 бошад, ин се нафар устодон дар доираи Барномаи TACIS-и Иттифоқи Аврупо оид ба мавзӯи «Иқтисоди бозорӣ ва усулҳои тадрис» такмили ихтисос намуданд. Устодони дар боло номбаршуда моҳи июн-августи соли 1997 бошад, дар Донишгоҳи Твентеи Нидерландия аз рӯи барномаи макроиқтисодиёти кушод ва такмили усулҳои тадрис курси бозомӯзи гузашта соҳиби сертификат гаштанд. Моҳҳои январ ва феврали соли 2001 ин устодон дар Япония (Токио) дар доираи барномаи Агентии   Ҷопон оид ба ҳамкории байналхалқӣ курси такмили ихтисосро гузаштанд.
Моҳҳои май ва июни соли 2001 устодони кафедра Б.У.Шукуров, А.А.Солиев, М.М.Мадҷонова, М.Р.Тағоев дар курсҳои бозомӯзӣ оид ба фанҳои «Иқтисодиёти байналхалқӣ» ва «Бизнеси байналхалқӣ» дар доираи Лоиҳаи Фонди Евразия ихтисоси хешро такмил доданд.
 
Аз моҳи октябри соли 2002 то апрели соли 2004 курсҳои бозомӯзӣ барои устодони факултетҳои иқтисодии мактабҳои олии Ҷумҳурии Тоҷикистон дар доираи Академияи шабакаи таълимӣ (EdNET) баргузор гардид. Дар ин курсҳо ба таври пурра устодони кафедра Солиев А.А.,Саидмуродова М.А., М.М.Мадҷонова, М.А.Имомназаров иштирок карда, соҳиби сертификати магистрӣ гаштанд. Инчунин устоди кафедра М.Р.Тағоев дар як қатор курсҳои ин Академия ширкат варзид ва сазовори сертификат гардид.
 
Устоди кафедра М.Қ.Бобоев дар магистратураи Донишгоҳи Манчестери Британияи Кабир аз рӯи ихтисоси иқтисодиёти инкишоф солҳои 2003-2004 таҳсил намуда, соҳиби диплом шуд.
 
Моҳҳои апрел- майи соли 2004 н.и.и., дотсент Р.М.Мирбобоев дар Донишкадаи байналмиллалии бонкӣ (Россия, Санкт-Петербург) аз рӯи барномаи «Идоракунии зиддибӯҳронии корхона» такмили ихтисос намуда, соҳиби шаҳодатнома гардид.
Моҳи апрели соли2004 М.Р.Тағоев дар Донишгоҳи давлатии Москва оид ба мавзӯи «Иқтисодиёти давраи гузариш» ихтисоси худро такмил дода, соҳиби сертификат гардид. Бо мақсади баланбардории сатҳи дониши назариявӣ ва амалии худ оиди мавзӯи «Баландбардории савияи дониши молиявии аҳолӣ» муаллими калон Тағоев М.Р. моҳи декабри соли 2012 дар Ассостсиатияи бонкҳои Тоҷикистон курси такмили ихтисос гузашта, соҳиби сетификат шуд.
Инчунин ассистентони кафедра Ш.И.Лоиқов ва Саидов Қ.Т. соли 2007, ассистентон Ф.М.Имомёрбеков, А.В.Гулмамадов (муовини декан), Қ.Т.Саидов (муовини декан), З.А.Ҳомидова, Қармишева М.Н., Валиева Д.С., Д.М.Назриева солҳои 2008-2013 дар Маркази такмили ихтисос ва бозомӯзии кадрҳо (ДМТ) бо равияи иқтисодӣ давраи пурраи таҳсилро анҷом дода, соҳиби гувоҳнома гаштанд.
Аз соли 2002 кафедра бо Маркази тадқиқоти стратегии назди Президенти ҶТ ва Институти иқтисодиии АИ ҶТ ҳамкории илмӣ-таълимӣ менамояд, ки дар асоси созишномаи дутарафа амал мекунад.
Кафедраи МИБ 21-22 майи соли 2004 конфронси ҷумҳуриявии илмию амалӣ дар мавзӯи «Интегратсияи иқтисодиёти Ҷумҳурии Тоҷикистон ба хоҷагии ҷаҳонӣ» баргузор намуд. Дар конфронс қариб 30 маърӯзаи илмӣ баррасӣ шуд ва намояндагони мактабҳои олии Тоҷикистон дар он ширкат варзиданд.
Моҳи ноябри соли 2008 дар кафедра конфронси ҷумҳуриявии илмию амалӣ дар мавзӯи «Масъалаҳои таъмини мақсадҳои берунииқтисодии Ҷумҳурии Тоҷикистон» гузаронида шуд,ки дар он 45 маърӯзаи илмӣ баррасӣ гардид.
Дар кафедра соли 2011 конфронси илмӣ-амалии ҷумҳуриявӣ «Масъалаҳои таъмини рушди устувори иктисодӣ ва амнияти Ҷумҳурии Тоҷикистон дар шароити чаҳонишавӣ» бахшида ба 80-солагии ҳаёт ва 61- солагии фаъолияти илмию омӯзгории профессор Мамадназарбеков Мамадёр гузаронида шуд,ки дар он зиёда аз 35 маърӯзаҳои илмӣ шунида шуданд.   
Дар соли 2012 кафедра конфронси ҷумҳуриявии илмию - амалӣ дар       мавзӯи«Иқтидори сиёсати берунӣ-иқтисодӣ ва механизми ба  амалбарории он дар шароити иқтисодиёти давраи гузариш »  бахшида ба 70-солагии ҳаёт ва  46 солагии фаъолияти илмию педагогии номзади илмҳои иқтисодӣ, дотсенти кафедраи муносибатҳои иқтисодии байналхалқии Донишгоҳи миллии Тоҷикистон Худоиев Миродасен Назаровичро гузаронид,ки дар он 84 мақолаҳои илмӣ пешниҳод гардида,аз он 19 маърӯза бевосита шунида шуд.
 
Устодони кафедра мунтазам бо кафедраҳои ҳамравияи Донишгоҳи технологии Тоҷикистон, Донишкадаи соҳибкорӣ ва хизмат ва Донишгоҳи давлатии тиҷорати Тоҷикистон ҳамкорӣ менамоянд. Баробари ин  кафедра бо кафедраи «Назарияи иқтисодӣ»-и Донишкадаи молиявӣ ва иқтисодии Тоҷикистон муносибатҳои мустақилонаи илмӣ барпо намудааст, ки  чунин ҳамкорӣ ба такмили  самтҳои асосии проблемаҳои илмии кафедра, таҳияи барномаҳои таълимӣ, китобҳои дарсӣ ва дигар воситаҳои таълим мусоидат мекунанд.
Кафедра бо Институти Ҷомеаи Кушод ва як қатор созмонҳои гуногуни байналмиллалӣ ҳамкории судманд барпо намудааст. Махсусан, ҳамкории кафедра дар самти гузаронидани семинарҳо, тадқиқотҳо ва таҳияи васоити таълимӣ бо Агентии Ҷопон оид ба ҳамкории байналмиллалӣ хеле хуб ба роҳ монда шудааст.

<Design by KulobSOFT